好耐冇更新! 前排比較忙, 所以少左更新 請大家見諒!
前幾篇都講行山, 其實我都好鐘意去食好野嫁!
所謂運動就是為了吃更多的美食嘛!
好!講多冇謂 立即去相啦!


串燒店開到成街都係, 但開到堂食都係第一次.
今次要介紹就係哩間啦!

好燒式 - 佢本身都係街邊檔, 但後黎愈做愈好, 就轉型去堂食.
有自己鋪位後, 不單止可以提供更多款式美食. 而且兩位老闆其中一位仲係酒店做過大廚, 所以食物品質有一定保證 !
你地唔好睇佢細細間咁, 好似冇咩野食. 但其實麻雀雖小, 五臟俱全. 
通常...平靚正野食係民間小店先會搵到!

首先第一道菜, 就係牛油燒金菇.
金菇一上黎就聞到好重牛油香. 食落去唔會淡口.
但一定要襯熱食, 因為凍左後就會好油膩.

第2個係 雞肉烤餅 哩間係其中一間我食落覺得唔錯, 而且會推薦比身邊朋友.
因為佢外層經過特別烤製, 餅底跟薄Pizza 一樣地香脆 而且內裡包含滿滿的芝士跟雞肉
但提醒大家 入面會有少少辣

再黎就係今日重頭戲 串燒牛舌同牛肉, 睇一間串燒店合唔合格.
最緊要睇佢地香料夠唔夠, 同埋烤肉火侯控制得好唔好.
佢2樣都做得好好, 食落去你會感覺到肉質鮮嫩 大約6-7成熟 香料又不會太重.

仲有就係牛舌, 由張相可以胏到佢咁厚, 就知道口感有幾足
哩個牛舌係到宜家為止我食過最好味
外香內軟 又不會乾身 入口後慢慢溶化 值得叫多幾串!!

仲有不得不提就係個生蠔, 你睇下隻生蠔有幾大隻!
自問我都係大手之人, 但哩隻蠔有我手掌一半咁大!
不但新鮮 而且提供幾種食法, 分別係煙肉/蒜蓉/蔬菜.
我自己就叫左煙肉.

講到樣樣都咁好食, 但一間餐廳總有佢一般菜式.
哩個荷葉包飯, 係唯一一道, 我覺得可以唔洗試嘅菜式.
由於佢入面有落菜頭一齊去炒, 所以會比較淡.
而且由於荷葉不足, 所以荷葉味不會很濃. 但適合鍾意淡口嘅朋友.


最後..如果你地想去試, 不彷先去我個網站先做一個免費登記 :)
http://hk.shop.com/on9stores   (右上角人仔/詳情可以睇返我第一篇)

登記左後 埋單時出示會員號碼 係度消費就會有95折
除左哩間外, 我地係全港仲有其他餐廳
搵我地訂機票酒店/生常所需品都會有優惠

有咩唔明都可以email/line 我呀
Email: ntse729@gmail.com
Line: codytse